Арсенал клуби ирландиялик сардор Катие МкКабе жорий мавсум якунида жамоани тарк этишини расман тасдиқлади. 30 ёшли футболчи 2015-йилдан буён Лондон клуби шарафини ҳимоя қилиб келаётган эди. Бу ҳақда Goal.com хабар беради.
Ўн бир йиллик фаолияти давомида МкКабе 305 та ўйинда майдонга тушиб, 37 та гол уришга муваффақ бўлди. У жамоа билан биргаликда Англия Премер-лигаси, Англия кубоги ҳамда 2025-йилги Аёллар Чемпионлар лигаси каби барча нуфузли совринларни қўлга киритди.
Клуб директори Кларе Whеатлей футболчининг жамоа тарихидаги ўрнини алоҳида таъкидлаб, унинг фидойилиги ва мухлислар билан ўрнатган мустаҳкам алоқаси учун миннатдорчилик билдирди. МкКабе Арсенал сафида икки бор мавсумнинг энг яхши футболчиси деб топилган.
Дублинлик футболчи ўзининг ёрқин ўйини ва чап оёғидаги кучли зарбалари билан мухлислар меҳрини қозонган. Унинг Арсенал сафидаги сўнгги ютуғи 2026-йил февралида қўлга киритилган FIFA Чемпионлар кубоги бўлди.
“Zamin”ни Telegram'да ўқинг!
