MLS чемпионатининг ёрқин юлдузига айланиб бораётган 19 ёшли вингер Завиер Гозо ўзининг навбатдаги қадамлари ҳақида ўйламоқда. Реал Салт Лаке жамоаси сафида барқарор ўйин кўрсатаётган футболчи ёзги трансфер ойнасида Европага кўчиб ўтишни ўзининг асосий мақсади деб билади. Бу ҳақда Goal.com хабар беради.
Apple TV телеканалига берган интервюсида Гозо ёзда янги чақирувларни қабул қилишга тайёр эканлигини таъкидлади. Бироқ, унинг трансфери атрофидаги вазият мураккаблигича қолмоқда, чунки Реал Салт Лаке клуби ўз иқтидорли футболчисини қўйиб юборишга шошилмаяпти ва юқори нарх талаб қилмоқда.
Шу билан бирга, футболчининг АҚШ миллий терма жамоаси сафида Жаҳон чемпионатида иштирок этиш имконияти ҳам муҳокама қилинмоқда. Ҳали терма жамоада дебют қилмаган бўлса-да, унинг жорий мавсумдаги статистикаси — 12 ўйинда 5 та гол ва 4 та голли узатма — мутахассисларнинг эътиборини тортмоқда.
Гозо учун келгуси ойлар ҳам клуб, ҳам терма жамоа миқёсида ҳал қилувчи аҳамиятга эга бўлади. Унинг Европага йўл олиши нафақат трансфер нархига, балки халқаро майдондаги ўзини кўрсатиш имкониятларига ҳам боғлиқ.
“Zamin”ни Telegram'да ўқинг!
