Туркиянинг “Кайсериспор” клубида тўп сураётган россиялик ярим ҳимоячи Денис Макаров номаълум муддатга майдонга туша олмайди. Бу ҳақда клуб матбуот хизмати хабар берди. Бу ҳақда euro-football.ru хабар беради.
Жамоа маълумотига кўра, текширувлар жараёнида футболчининг ўнг сонининг юқори қисмидаги мушаклар гуруҳида енгил шикаст ва шиш аниқланган. Ҳозирда даволаниш жараёни давом этмоқда.
Макаров “Кайсериспор” сафидаги дебютини 3 февраль куни “Галатасарай”га қарши учрашувда ўтказган, баҳс 0:4 ҳисобида якунланган. Туркия чемпионатида Макаровнинг жамоаси турнир жадвалида 17-ўринда бормоқда ва лигада қолиш учун курашмоқда. Аввалроқ ярим ҳимоячи Москванинг “Динамо”сида ўйнаган ва клубни текинга тарк этган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
