Берлинда номаълум эркак Эроннинг сўнгги шоҳининг ўғли Ризо Паҳлавий устига қизил суюқлик сепди. Ҳодиса тасвирланган видео 23 апрель куни интернет тармоқларида тарқалди. Бу ҳақда Дзен хабар берди.
Воқеа Паҳлавий иштирок этган матбуот анжуманидан кейин содир бўлган. Кадрларда эркак унинг ёнига яқинлашиб, Паҳлавий устига ёрқин қизил рангли суюқликни сепиб юборгани кўринади.
Дастлабки маълумотларга кўра, ҳужум қилган шахс Эроннинг амалдаги ҳокимиятини қўллаб-қувватловчилардан бири бўлиши мумкин. У ишлатган қизил суюқлик эса қон рамзи сифатида ишлатилган бўлиб, эҳтимол помидор шарбати бўлган. Ҳодисадан сўнг эркакни полиция ҳибсга олган.
Паҳлавий 2025 йил декабридан бошлаб Эрондаги норозилик намойишларини қўллаб-қувватлаб келган, амалдаги ҳокимиятни ағдаришга чақирган, Эрон хавфсизлик кучлари ва амалдорларига “халқ тарафини олиш”га даъват этган. Шунингдек, у Эрон етакчиси Али Хоминаийнинг вафоти муносабати билан очиқ тарзда қувонч билдирган.
