«Локомотив» драматик баҳсда камбек эвазига «Насаф»ни мағлуб этди

Ўзбекистон Суперлигасининг 9-туридан ўрин олган "Насаф" – "Локомотив" учрашуви ҳақиқий драматик сценарий асосида кечди. Меҳмонлар 3:2 ҳисобида ғалаба қозониб, муҳим уч очкони қўлга киритди.

Беллашувда ҳисобни 23-дақиқада Шароф Муҳитдинов очиб, мезбонларга устунлик берди. Бироқ биринчи бўлим охирига яқин Сардор Мирзаев мувозанатни тиклаб, ўйинга интрига қайтарди.

Иккинчи бўлимда воқеалар янада қизғин тус олди. Темурхўжа Абдухолиқовнинг голи “Локомотив”ни олдинга олиб чиқди. Орадан кўп ўтмай, Ойбек Рустамовнинг ўз дарвозасига йўллаган тўпи ҳисобни 3:1 кўринишига келтирди ва меҳмонлар устунлигини мустаҳкамлади.

Учрашувнинг сўнгги дақиқаларида Юсуф Отубанжо фарқни қисқартириб, “Насаф”га умид бағишлади. Бироқ мезбонлар қанчалик уринмасин, камбекни охирига етказа олмади.

Суперлига. 9-тур

Насаф – Локомотив 2:3

Голлар: Муҳитдинов 23 (1:0), Мирзаев 43 (1:1), Абдухолиқов 63 (1:2), Рустамов 73 (автогол)(1:3), Отубанжо 88 (2:3).

Насаф: Неъматов, Комилов (Бердираҳмонов, 56), Ғайбуллаев, Баҳромов, Шала, Абдираҳматов (Отубанжо, 71), Абдихолиқов (Усмонов, 76), Муҳитдинов (Муртазаев, 76), Рустамов, Раҳматов (Абдуназаров, 71), Хушвақтов.

Локомотив: Козлов, Туплиев (Йўлдошев, 80), Абдухолиқов, Иванов, Шушняр, Мирзаев (Поёнов, 80), Кучеренко, Муҳаммадиев, Зотеэв, Ибраимов (Шодибоев, 46), Реимов (Нишич, 61).

Шу тариқа, “Локомотив” очколарини 14 тага етказиб, турнир жадвалида 5-ўринга кўтарилди. “Насаф” эса 12 очко билан 7-поғонага тушиб қолди.

Бу ўйин яна бир бор кўрсатди: Суперлигада ҳар бир дақиқа ҳал қилувчи ва ҳар бир хатонинг нархи жуда баланд.