«Ал-Наср» бош мураббийи Жорже Жезуш Криштиану Роналдунинг навбатдаги ўйинда майдонга тушмаслиги сабабини очиқлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида «Аркадаг»га қарши баҳс олиб боради. Португалиялик юлдуз ҳужумчи яқин орада майдонга қайтиши кутилаётганди, аммо бу учрашувда ҳам у қайдномадан жой олмайди.
«Зич тақвим сабаб Роналдуга ва асосий таркибдаги яна бир қанча футболчиларга дам беришга қарор қилдик. Олдинда «Ал-Фатеҳ»га қарши муҳим ўйин турибди», — дея Жезушнинг сўзларини келтиради Al Nassr Zone.
Мураббий таъкидлашича, Роналдунинг дам олиши янгилик эмас: у Саудия Арабистони ташқарисида ўтадиган учрашувларни аввал ҳам бир неча бор ўтказиб юборган.
Саудия чемпионатининг «Ал-Фатеҳ» — «Ал-Наср» учрашуви шанба куни, 14-февраль куни бўлиб ўтади.
“Zamin”ни Telegram'да ўқинг!
