Бавария PSJ сафидаги ёш иқтидор эгаси Пер Мунгенгени ўз сафига қўшиб олишни режалаштирмоқда. ЛЪEқуипе нашрининг хабар беришича, Мюнхен клуби француз жамоасининг У19 таркибида тўп сураётган 18 ёшли марказий ҳужумчи билан жиддий қизиқмоқда. Футболчи 2021-йилда PSJ академиясига келиб қўшилган ва жорий йилнинг май ойида Лига 1 доирасидаги ўйинда дебют қилган эди. Бу ҳақда Goal.com хабар беради.
Бироқ, Бавариянинг бу трансферни амалга ошириш имкониятлари ҳозирча ноаниқ. Парижнинг бошқа бир клуби Парис ФК ҳам ёш иқтидор эгасига даъвогарлик қилмоқда. Айни дамда Мунгенге PSJ билан профессионал шартнома имзолашга яқин турибди ва томонлар ўртасида музокаралар давом этмоқда.
Бошқа бир хабарга кўра, Бавария дарвозабони Александр Нюбелнинг келажаги ҳамон мавҳумлигича қолмоқда. Штутгартдаги ижара муддати якунланаётган посбоннинг Мюнхен клуби режаларига кирмаслиги аниқ бўлиб улгурди. Клуб раҳбарияти уни 10–15 миллион евро эвазига қўйиб юборишга тайёр.
Мануэль Ноер ва Свен Улрайх билан шартномалар узайтирилганидан сўнг, Бавария янги мавсумни тажрибали дарвозабонлар билан бошлашни мақсад қилган. 2020-йилда Шалке 04 клубидан келган Нюбел Мюнхен жамоаси сафида атиги тўртта расмий ўйинда майдонга тушган холос.
“Zamin”ни Telegram'да ўқинг!
