Ростелеком компанияси президенти Михаил Осеевскийнинг маълум қилишича, ташкилот ички жараёнларни оптималлаштиришга мўлжалланган Нейрошлюз номли янги сунъий интеллект маҳсулотини ишлаб чиқди. Ушбу ечим турли хил тил моделларини ўз ичига олган бўлиб, у амалий вазифаларни самаралироқ бажариш имконини беради. Бу ҳақда Ixbt.com хабар беради.
Осеевскийнинг сўзларига кўра, мазкур лойиҳа аллақачон тижорий мақомга эга бўлиб, бир қатор давлат органлари билан уни қўллаш бўйича шартномалар имзоланган. Компания сунъий интеллект технологияларини роботлаштириш соҳасида фаол жорий этмоқда ва бу борада хитойлик ҳамкорлар билан яқиндан ишламоқда.
Ҳозирги вақтда янги технологиялар компаниянинг турли корхоналарида синовдан ўтказилмоқда. Хусусан, айрим ишлаб чиқариш объектларида робот-пайвандчилар аллақачон ўз ишини бошлаб юборган.
Ростелеком раҳбарияти келгусида тайёр маҳсулотни сотишдан кўра, сервис моделига ўтишни режалаштирмоқда. Бу жараён мавжуд технологик тизимларга тайёр ечимларни интеграция қилиш ва хизмат кўрсатишни ўз ичига олади.
“Zamin”ни Telegram'да ўқинг!
