"Ал-Наср" бош мураббийи Жорже Жезуш Криштиану Роналду нега яқинлашиб келаётган учрашувда майдонга тушмаслигини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида "Аркадаг"га қарши баҳс олиб боради. Португалиялик ҳужумчининг тез орада жамоага қайтиши кутилган бўлса-да, бу сафар ҳам у қайдномадан четда қолади.
Жезушнинг сўзларига кўра, зич тақвим сабаб Роналду ва асосий таркибдаги яна бир нечта футболчига дам беришга қарор қилинган. Мураббий бунинг сабаби сифатида олдинда "Ал-Фатех"га қарши муҳим ўйин борлигини таъкидлади.
Шунингдек, Жезуш Роналду Саудия Арабистонидан ташқарида ўтадиган баҳсларда тез-тез иштирок этмаслиги янгилик эмаслигини, бундай ҳолат аввал ҳам бир неча бор кузатилганини қайд этди. Мураббийнинг фикрларини Al Nassr Zone келтирди.
Саудия чемпионатидаги "Ал-Фатех" – "Ал-Наср" учрашуви шанба, 14 февраль куни бўлиб ўтади.
“Zamin”ни Telegram'да ўқинг!
