«Қайрат» ҳимоячиси Александр Мартинович Чемпионлар лигасидаги сўнгги баҳсдан кейин «Арсенал» футболчиси Кай Ҳавертс билан бўлган қизиқарли мулоқоти ҳақида гапирди. Унинг айтишича, лондонийлар етакчисига Мартиновичнинг чеҳраси таниш туюлган. Бу ҳақда euro-football.ru хабар беради.
Мартиновичнинг сўзларига кўра, Ҳавертс ундан: «Негадир юзинг менга жуда таниш», деб сўраган. Александр эса бунга жавобан аввалроқ «Байер»га қарши ўйинларда яхши натижа қайд этишгани, шунингдек, Ҳавертс «Челси» сафида бўлган пайтда ҳам бир неча бор тўқнаш келишганини эслатган.
Ҳимоячи шунингдек, шахсий коллекциясида Ҳавертснинг ўйин футболкаси борлигини ҳам маълум қилди. Мартинович фаолияти давомида Россия клубларида ҳам тўп сурган — у «Краснодар», «Урал» ва «Рубин» сафида ўйнаган.
Эслатиб ўтамиз, «Арсенал» ва «Қайрат» январ ойининг охирида Чемпионлар лигасининг умумий босқич сўнгги турида учрашган. Лондон клуби ўз майдонида 3:2 ҳисобида ғалаба қозонган.
“Zamin”ни Telegram'да ўқинг!
