«Қайрат» футболчиси Александр Мартынович Чемпионлар лигасидаги «Арсенал»га қарши ўйиндан кейин лондонликлар ҳужумчиси Каю Ҳаверц билан бўлган кулгили суҳбат ҳақида гапириб берди. Немис футболчисига Мартыновичнинг чеҳраси таниш туюлган. Бу ҳақда euro-football.ru хабар беради.
Мартыновичнинг айтишича, Ҳаверц: «Нега билмадим, юзинг менга жуда таниш», деган. Шунда «Қайрат» ҳимоячиси аввалроқ «Байер»га қарши ўйинларни эслатиб, ўша пайтда рақибни қийин аҳволга солиб, кейинги босқичга ўтишганини айтган. Шунингдек, Ҳаверц «Челси»да тўп сурган даврда ҳам улар бир неча бор майдонда тўқнаш келишган.
Мартынович Ҳаверцнинг ўйин футболкаси унинг шахсий коллекциясида борлигини ҳам қўшимча қилди. Александр фаолиятининг бир қисмида Россияда ҳам ўйнаган — у «Краснодар», «Урал» ва «Рубин» шарафини ҳимоя қилган.
Эслатиб ўтамиз, «Арсенал» ва «Қайрат» январ охирида Чемпионлар лигасининг умумий босқичи сўнгги турида учрашган. Лондон клуби уйида 3:2 ҳисобида ғалаба қозонган.
“Zamin”ни Telegram'да ўқинг!
