Карлтон Коул «Челси»ни тарк этиш сабабларини очиқлади

«Вест Хем» ва Англия терма жамоасининг собиқ ҳужумчиси Карлтон Коул «Беаст Моде Он» подкастининг янги сонида иштирок этди. Собиқ футболчи Адебайо Акинфенwа билан суҳбатда «Челси» клубидаги фаолияти ва Лондон жамоасини тарк этиш сабабларини очиқлади. Бу ҳақда Goal.com xabar беради.

Коулнинг сўзларига кўра, у ўз вақтида мураббий Жозе Моуринионинг ғазабига дучор бўлган. Бунга футболчининг тунги клубларга тез-тез ташриф буюриши сабаб бўлган.

Мураббий интизом масаласида жуда қаттиққўл бўлгани учун бу ҳолат уларнинг муносабатларига салбий таъсир кўрсатган.

Суҳбат давомида собиқ ҳужумчи машҳур рэпер «50 Сент» билан дўстлиги ҳақида ҳам тўхталиб ўтди. Коул мусиқачидан муҳим ҳаётий маслаҳатлар олганини ва бу унинг дунёқарашига таъсир қилганини таъкидлади.

Шунингдек, у «Бавария» ҳужумчиси Харри Кейнга бўлган юксак ҳурмати ҳақида сўзлади.