Райс бошчилигидаги беш нафар футболчи "Арсенал" машғулотларида иштирок этмади
"Арсенал" жамоасининг беш нафар асосий футболчиси, жумладан Деклан Райс, Букайо Сака, Мартин Одегард, Риккардо Калафиори ва Юрриен Тимбер, "Спортинг"га қарши ўйин олдидан ўтказилган машғулотларда иштирок этмади. Райснинг йўқлиги мутахассислар учун кутилмаган бўлиб, у Премьер-лигадаги "Борнмут"га қарши ўйинда тўлиқ 90 дақиқа ўйнаган эди. Жамоа сардори Одегард ва Сака ҳамон тикланиш жараёнида, бу эса жамоанинг ижодкорлик қобилиятига салбий таъсир кўрсатмоқда. "Арсенал"ни олдинда "Манчестер Сити"га қарши муҳим ўйин кутиб турибди.
"Арсенал" жамоасининг беш нафар асосий футболчиси Чемпионлар лигаси чорак финал жавоб учрашуви доирасидаги "Спортинг"га қарши ўйин олдидан ўтказилган машғулотларда иштирок этмади. Улар орасида Деклан Райс, Букайо Сака, Мартин Одегард, Риккардо Калафиори ва Юрриен Тимбер бор. Бу ҳақда Goal.com хабар беради.
Деклан Райснинг машғулотда кўриниш бермагани мутахассислар учун кутилмаган ҳол бўлди. Ярим ҳимоячи ўтган дам олиш кунлари Премьер-лига доирасидаги "Борнмут"га қарши баҳсда тўлиқ 90 дақиқа ҳаракат қилган эди.
Унинг йўқлиги ҳал қилувчи ўйин олдидан жиддий хавотирларга сабаб бўлмоқда.
Жамоа сардори Мартин Одегард ва қанот ҳужумчиси Букайо Сака ҳамон тикланиш жараёнини давом эттирмоқда. Одегарднинг йўқлиги майдон марказида ижодкорлик борасида катта бўшлиқни юзага келтирмоқда.
Микел Артета ушбу етакчи футболчиларнинг хизматидан фойдалана олмаслик эҳтимоли юқори.
Ҳимоя чизиғида ҳам муаммолар кузатилмоқда. Италиялик Риккардо Калафиори ва жароҳатидан қутулишга уринаётган Юрриен Тимбер ҳам умумий гуруҳга қўшилмади.
"Арсенал"ни олдинда нафақат Европа майдонидаги баҳс, балки якшанба куни "Манчестер Сити"га қарши чемпионлик пойгасидаги муҳим ўйин кутиб турибти.
Изоҳлар 0
…