Франция чемпионатининг навбатдаги турида «Марсел» жамоаси «Нитстса» клубига қарши майдонга тушди. Мазкур муҳим баҳс олдидан жамоа мухлислари асосий юлдуз Мейсон Гринвуднинг захира ўриндиғида қолдирилганидан ҳайратга тушишди. Бу ҳақда Goal.com хабар беради.
Жамоа бош мураббийи Хабиб Бее ушбу кутилмаган қарорга изоҳ бериб ўтди. Мутахассиснинг сўзларига кўра, жамоанинг энг яхши тўпурари соғлиғи билан боғлиқ муаммоларга дуч келган.
Маълум бўлишича, Гринвуд бир неча ҳафта олдин «Лилл» жамоасига қарши кечган учрашувда жароҳат олган эди. Ҳужумчи ўша жароҳат асоратларидан тўлиқ қутулмагани сабабли мураббийлар штаби уни асосий таркибга киритмасликка қарор қилди.
Ҳозирда футболчининг тикланиш жараёни давом этмоқда. «Марсел» раҳбарияти ва мухлислари инглиз ҳужумчисининг тезроқ сафга қайтишини кутишмоқда, чунки у жорий мавсумда жамоа ҳужум чизиғининг асосий кучи ҳисобланади.
“Zamin”ни Telegram'да ўқинг! 
