«Ал-Наср» бош мураббийи Жорже Жезуш Криштиану Роналдунинг яқинлашиб келаётган ўйинни ўтказиб юборишига изоҳ берди. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида «Аркадаг»га қарши майдонга тушади. Португалиялик юлдуз ҳужумчининг тез орада сафга қайтиши кутилётганди, бироқ бу учрашувда у яна таркибда бўлмайди.
Жезушнинг таъкидлашича, жамоа тиққиз тақвим сабаб Роналдуни ва асосий таркибдаги яна бир нечта футболчини дам олдиришга қарор қилган. Мураббий бунга сабаб сифатида олдинда «Ал-Фатех»га қарши муҳим баҳс борлигини кўрсатди.
Шунингдек, мутахассис Роналдунинг Саудия Арабистонидан ташқарида ўтадиган ўйинларни кўп ҳолларда ўтказиб юбориши янгилик эмаслигини эслатди. Унинг сўзларини Al Nassr Zone келтирди.
Саудия чемпионатидаги «Ал-Фатех» – «Ал-Наср» учрашуви шанба, 14-февраль куни бўлиб ўтади.
“Zamin”ни Telegram'да ўқинг!
