Тошкентнинг тўртта туманида 28 апрель куни газ ўчирилади
Тошкентнинг Яккасарой, Миробод, Бектемир ва Мирзо Улуғбек туманларида 28 апрель куни табиий газ таъминоти вақтинча тўхтатилади. Газ таъминоти соат 10:00 дан 18:00 гача тўхташи кутилмоқда, бу вақтда айрим маҳаллаларда чекловлар бўлади. «Ҳудудгаз Пойтахт» матбуот хизмати таъмирлаш ишлари якунлангач, газ етказиб бериш қайта тикланишини маълум қилди.
Тошкент шаҳрининг Яккасарой, Миробод, Бектемир ва Мирзо Улуғбек туманларидаги айрим ҳудудларда 28 апрель куни табиий газ таъминоти вақтинча тўхтатилади. Бу ҳақда «Ҳудудгаз Пойтахт» газ таъминоти филиали матбуот хизмати хабар берди.
Яккасарой туманидаги «Дамариқ» маҳалласида ҳамда Миробод туманининг Кичик Бешёғоч ҳудудида соат 10:00 дан 15:00 гача газ бўлмайди. Бектемир туманидаги «Устозлар» маҳалласида эса чекловлар соат 11:00 дан 16:00 гача давом этади.
Мирзо Улуғбек туманининг «Подшобоғ» маҳалласида истиқомат қилувчи истеъмолчилар учун газ таъминоти соат 10:00 дан 18:00 гача тўхтатилади. Таъмирлаш ишлари якунлангач, табиий газ етказиб бериш қайта тикланиши маълум қилинган.
Изоҳлар 0
…