"Ал-Наср" бош мураббийи Жорже Жезуш Криштиану Роналду нега яқинлашиб келаётган учрашувда майдонга тушмаслигини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида "Аркадаг" билан баҳс олиб боради. Португалиялик юлдуз ҳужумчи яқин орада майдонга қайтиши кутилaётгани айтилaётган бўлса-да, бу сафар ҳам у жамоа қайдномасидан жой олмайди.
Жезушнинг таъкидлашича, мураббийлар штаби Роналду ва асосий таркибдаги яна бир нечта футболчига тиқиз тақвим сабаб дам беришга қарор қилган. Чунки олдинда Саудия чемпионатидаги муҳим "Ал-Фатеҳ"га қарши ўйин бор.
Мутахассис, Роналдуга дам бериш одатий ҳол эканини ҳам қўшимча қилди: бу унинг Саудия Арабистонидан ташқарида ўтадиган учрашувларни ўтказиб юбориши бўйича биринчи ҳолат эмас.
Саудия чемпионатида "Ал-Фатеҳ" – "Ал-Наср" учрашуви шанба, 14-февраль куни бўлиб ўтади.
“Zamin”ни Telegram'да ўқинг!
