"Кайсериспор" вингери Денис Макаров Туркия чемпионатининг сўнгги икки учрашувида нега майдонга тушмаганига изоҳ берди. Бу ҳақда euro-football.ru хабар беради.
Футболчининг айтишича, у мушакдаги микро-жароҳат сабаб икки ўйинни ўтказиб юборган. Ҳозир эса муаммо ортда қолган: Макаров умумий гуруҳда чекловларсиз машғулот ўтказмоқда ва "Антальяспор"га қарши уй учрашувига тайёргарлик кўрмоқда.
Эслатиб ўтамиз, Макаров "Кайсериспор"га қишки трансфер ойнасида Москванинг "Динамо"сидан эркин агент сифатида келиб қўшилганди. У турк жамоаси сафида ҳозирча бир ўйинда қатнашиб, гол ёки ассист билан ажралиб чиқа олмади.
Суперлига 23-туридан ўрин олган "Кайсериспор" — "Антальяспор" учрашуви 22 февраль куни бўлиб ўтади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
