Пауло Дибала "Ювентус"даги фаолияти давомида Криштиану Роналду билан бир жамоада тўп сурган. Аргентиналик ҳужумчи беш карра "Олтин тўп" соҳибининг жамоа ичидаги қиёфаси ва одатлари ҳақида гапирди. Бу ҳақда euro-football.ru хабар беради.
Дибаланинг сўзларига кўра, Роналду кундалик режим масаласида мислсиз даражада тартибли бўлган: у эрталаб 8-9 ларда келиб, кетгунига қадар зал, массаж, физиотерапия, совуқ ванна, сауна ва овқатланиш тартибигача ҳаммасини назорат қилган. У бирор майда детальдан ҳам кўз юмган эмас, диққат-эътибори тўлиқ футбол ва тайёргарликка қаратилгандек кўринган.
Ҳужумчи машғулотларда ҳам рақобатни ҳеч қачон бўшатмаганини таъкидлади: Роналду ҳар қандай вазиятда ютқазишни ёмон кўрган. Майдон ташқарисида эса у жамоа учун ёқимли ҳамкасб бўлиб, жамоадошлари билан бемалол суҳбатлашган, жамоавий кечки овқатларда қатнашган ва мате ичишни хуш кўрган. Дибаланинг айтишича, Роналду баъзан мате олиб келиб, перу термоси ва катта идишдан фойдаланарди, бу ҳолат аргентиналик футболчини кулдириб, ҳазиллашишга ҳам сабаб бўлган.
Ҳозирда Пауло Дибала "Рома" сафида ўйнамоқда, Криштиану Роналду эса Саудия Арабистонининг "Ал-Наср" клубида тўп суряпти.
“Zamin”ни Telegram'да ўқинг!
