Германия Бундеслигасининг 31-турида "Бавария" жамоаси "Майнц"га қарши баҳс олиб борди. Биринчи бўлимдан сўнг 0:3 ҳисобида ортда қолаётган мюнхенликлар иккинчи бўлимда ажойиб иродани намойиш этиб, якунда 4:3 ҳисобида ғалаба қозонишди. Бу ҳақда Goal.com хабар беради.
Бош мураббий Винсент Компани Чемпионлар лигаси ярим финали доирасидаги "PSJ"га қарши ўйин олдидан таркибда жиддий ротацияни амалга оширди. У 18 ёшли Бара Сапокони асосий таркибда майдонга тушириб, ёшлар билан тажриба ўтказди.
Бироқ бу қарор ўйин бошида ўзини оқламади ва ёш ярим ҳимоячи рақиб босими остида хатоларга йўл қўйди.
Компани ўйиндан сўнг ёш футболчиларни қўллаб-қувватлаб, асосий таркибдан жой олиш совға эмаслигини ва бундай синовлардан ўтиш зарурлигини таъкидлади. Мюнхенликлар сафида Николас Жексон ҳам самарали ўйин кўрсатди.
У иккинчи бўлимда гол уриб, жамоасининг қайтишига катта ҳисса қўшди.
Ҳозирда "Бавария" ҳужум чизиғида Гарри Кейн, Луис Диас ва Майкл Олис каби юлдузлар асосий кучга айланган. Жароҳатидан тикланган Жамал Муссиала ҳам ўз спорт формасини тиклаб бормоқда, бу эса мавсумнинг ҳал қилувчи қисмида жамоа учун жуда муҳимдир.
“Zamin”ни Telegram'да ўқинг!
