Мбаппе жароҳат туфайли «Реал Мадрид» таркибини тарк этиши мумкин
Килиан Мбаппенинг жароҳати ва унинг «Реал Мадрид»даги келажаги борасида турли зиддиятли хабарлар тарқалмоқда. Маълумотларга кўра, ҳужумчи жамоадаги муҳит, айрим футболчилар билан келишмовчиликлар ва ўзининг клубдаги мавқеидан норози бўлмоқда. Вазиятни ўнглаш мақсадида раҳбарият мураббийлар штабига Дидье Дешамни олиб келиш имкониятини кўриб чиқмоқда. Ҳозирда Мбаппенинг жароҳати клубни тарк этиш учун шунчаки баҳона бўлиши мумкинлиги ҳақидаги тахминлар экспертлар орасида кенг муҳокама қилинмоқда.
Испанияда Килиан Мбаппе атрофида шов-шувли миш-мишлар тарқалмоқда. Хабарларга кўра, франциялик ҳужумчининг сўнгги жароҳати «Реал Мадрид» клубидан узоқлашиш учун шунчаки баҳона бўлиши мумкин. Бу ҳақда Goal.com хабар беради.
Мбаппе «Реал Бетис» билан ўйинда тиззасидаги ноқулайлик туфайли майдонни тарк этган эди. Бироқ мухлислар ва экспертлар футболчининг жамоа учун борини беришга тайёр эмаслигидан шубҳаланмоқда.
«Марcа» нашри Мбаппенинг жамоадаги ҳаётидан чарчаганини ёзмоқда. Бунга доимий жисмоний муаммолар ва кийиниш хонасидаги айрим жамоадошлари билан юзага келган келишмовчиликлар сабаб қилиб кўрсатилган.
Ҳужумчи Жуд Беллингем ва мураббий Алваро Арбелоа билан зиддиятга боргани айтилмоқда. Шунингдек, у клуб раҳбарияти Винисиус Жуниорни ўзидан кўра кўпроқ қадрлашидан норози бўлиб келмоқда.
Вазиятни ўзгартириш учун «Реал Мадрид» раҳбарияти мураббийлар штабида ўзгаришлар қилиши кутилмоқда. Мбаппенинг Франция терма жамоасидаги устози Диде Дешам номзоди асосий вариантлардан бири сифатида кўрилмоқда.
Изоҳлар 0
…