Италиялик машҳур мураббий Карло Анчелотти ўз ишининг асосий жиҳатлари ҳақида фикр билдирди. Унинг айтишича, мураббийлик касбида энг муҳим омил — клуб ва жамоа томонидан билдириладиган ишонч. Бу ҳақда euro-football.ru хабар беради.
Анчелотти бу ишонч йўқолган пайтда шартнома ҳам амалда тугашини таъкидлади: «Мураббий билан тузилган шартнома ишонч бор экан яшайди. Мени деярли ҳамма жойда ишдан бўшатишган. Мен ўн клубда ишлаганман ва уларнинг еттитасида мени бўшатишган», — дея унинг сўзларини Cadena SER келтирди.
Эслатиб ўтамиз, ўтган ёздан бери Анчелотти Бразилия миллий терма жамоасини бошқариб келмоқда. 2026 йилги жаҳон чемпионати гуруҳ босқичида “селесао” Шотландия, Гаити ва Марокашга қарши майдонга тушади. Бразилия эса 2002 йилдан бери илк бор мундиални ютиш мақсадини кўзламоқда.
“Zamin”ни Telegram'да ўқинг!
