Мадриднинг «Реал» жамоаси марказий ҳимоячи Антонио Рюдигерни Чемпионлар лигасида «Бенфика»га қарши жавоб учрашувида асосий таркибда майдонга туширади. Бу ҳақда euro-football.ru хабар беради.
«Қироллик клуби» плей-офф босқичи доирасидаги иккинчи ўйинни ўз майдонида қабул қилади, баҳс чоршанба куни бўлиб ўтади. «Газета.Ru» Diario AS’га таяниб хабар беришича, Альваро Арбелоа бошчилигидаги мураббийлар штаби Ла Лигада «Осасуна»га қарши ўйинда (1:2) захирада қолган Рюдигерни бу сафар бошланғич таркибда туширишни режалаштирмоқда.
Шу билан бирга, «Реал» 32 ёшли футболчининг соғлиғини асраш ниятида: у тўлиқ тикланиб олмагунча, ҳафтасига икки марта ўйнатиб, таваккал қилмоқчи эмас.
Эслатиб ўтамиз, илк учрашувда Арбелоа жамоаси Лиссабонда «Бенфика»ни 1:0 ҳисобида мағлуб этган эди.
“Zamin”ни Telegram'да ўқинг!
