Бернарду Силва «Ювентус» ва «Барселона» ўртасида танлов қилмоқда
«Манчестер Сити» ярим ҳимоячиси Бернарду Силва жорий мавсум якунида эркин агент сифатида клубини тарк этишга қарор қилди. Ҳозирда 31 ёшли футболчига «Ювентус» ва «Барселона» жамоалари асосий даъвогарлик қилмоқда. Португалиялик хавбекнинг ўзи фаолиятини айнан Турин ёки Каталония клубларидан бирида давом эттиришни афзал кўрмоқда. Айни дамда «Ювентус» вакиллари футболчининг агенти Жорже Мендеш билан фаол музокаралар олиб бормоқда.
«Ман Сити» ярим ҳимоячиси Бернарду Силва жорий мавсум якунлангач, клубини ўзгартиришга тайёргарлик кўрмоқда. «Шаҳарликлар» сардори ёзда эркин агентга айланади, чунки унинг амалдаги шартномаси узайтирилмайдиган бўлди. Бу ҳақда Euro-football.ru хабар беради.
Ҳозирда 31 ёшли футболчига «Ювентус», «Барселона», «Бенфика» ва «Галатасарой» каби клублар жиддий қизиқиш билдирмоқда. «Ла Газзетта делло Спорт» нашри берган маълумотларга кўра, португалиялик хавбекнинг ўзи фаолиятини Турин ёки Каталонияда давом эттириш вариантларини афзал кўрмоқда.
«Барселона» узоқ вақтдан бери Бернарду Силвани ўз сафига қўшиб олишни кўзлаётган бўлса, «Ювентус» бу пойгага яқинда қўшилди. Манбанинг таъкидлашича, Турин клуби вакиллари футболчининг агенти Жорже Мендеш билан доимий алоқада бўлиб турибди.
Изоҳлар 0
…