Актриса, дизайнер ва бошловчи Шаҳзода Муҳаммедованинг қизи Милана 22 апрель куни 6 ёшни қарши олди. Бу ҳақда аввал хабар берган эдик. Санъаткор қизининг туғилган кунидан лавҳаларни Instagram саҳифаси орқали мухлислари билан бўлишди.
Маълум бўлишича, Милананинг туғилган куни бу сафар уйда, дугоналари даврасида, самимий ва қувноқ муҳитда нишонланган. Жойланган видеолардан байрам юқори кайфиятда, қизиқарли ўйинлар ва кулгу остида ўтганини кўриш мумкин.
Байрамда Милананинг отаси Марат Ҳамдамов ҳам иштирок этиб, қизини чиройли совғалар билан хурсанд қилди. Онаси эса қизининг айниқса юмшоқ ўйинчоқларни яхши кўришини алоҳида таъкидлади.
Шаҳзода Муҳаммедова видео остида қуйидаги самимий сўзларни ёзиб қолдирган:
“Асал қизим Милана бугун жуда хурсанд. Чунки у бу кунни узоқ кутганди. Унга катта гапирадиган қўғирчоқлар эмас, замонавий кичик юмшоқ ўйинчоқлар ёқади. Севимли мультфильм қаҳрамони — Руми, шу боис бу йил сиёҳранг ва бинафша рангларни танладик.
Гарчи бу йил барча дўстларни йиғиб, аввалгидек ресторанда нишонламаган бўлсак-да, қўшниларимизнинг ташрифидан жуда хурсанд бўлдик. Бу сафар байрамни оддийгина уйда ўтказишни маъқул кўрдик”.
Мухлислар эса изоҳларда Милананинг туғилган куни билан табриклаб, унга соғлик, бахт ва қувонч тилашмоқда.
