Мюнхеннинг «Бавария» клубида тўп сураётган 18 ёшли Леннарт Карл фаолиятининг бошидаги кескин юксалиш ўзи учун кутилмаган бўлмаганини айтди. Бу ҳақда euro-football.ru хабар беради.
Ёш ҳужумкор ярим ҳимоячи жорий мавсумда бундеслига гиганти сафида мунтазам майдонга тушмоқда. 22 февраль куни у 18 ёшни қарши олди.
«Баъзан атрофимда бўлаётган воқеаларга ўзим ҳам ажабландим, лекин ич-ичимдан бундай даражага чиқишим мумкинлигини билардим. Кўп меҳнат қилдим. Жуда хурсандман, аммо ўсиш учун доим жой бор. Олдинда янада кўпроқ гол уриб, голли узатмалар беришни, қолган жиҳатларда ҳам кучайишни истайман», — дейди Карл Kicker’га берган интервьюсида. Унинг сўзларини «Газета.Ru» келтирди.
28 февраль, шанба куни «Бавария» бундеслига доирасида сафардa асосий таъқибчиси — Дортмунднинг «Боруссия» жамоасига қарши баҳс ўтказади.
“Zamin”ни Telegram'да ўқинг!
