Ўзбекистон терма жамоаси ва «Истанбул Башакшеҳир» ҳужумчиси Элдор Шомуродов Туркия чемпионатида энг самарали ўйинчи сифатида ажралиб турибди. Бу ҳақда euro-football.ru хабар беради.
21 февраль ҳолатига кўра (Тошкент вақти билан) Шомуродов «гол+пас» тизимида 20 очко жамғарди: 16 та гол ва 4 та ассист. У айни пайтда турнир тўпурарлар рўйхатида ҳам етакчилик қилмоқда.
«Галатасарой» юлдузлари Мауро Икариди ва Виктор Осимҳен билан таққослаганда, Шомуродовнинг кўрсаткичлари анча юқори. Икаридининг барча ўйинларда 13 та голи бор, Осимҳен эса миллий чемпионат доирасида 9 бор рақиб дарвозасини ишғол қилган, холос.
Эслатиб ўтамиз, Шомуродов тўп сураётган Ўзбекистон миллий жамоаси Шимолий Америкада ўтадиган 2026 йилги жаҳон чемпионатига йўлланма олган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
