Москванинг ЦСКА клубида тўп сурган собиқ футболчи Зоран Тошич Россия ва Сербия терма жамоалари ўртасида яна бир ўртоқлик учрашуви ўтказиш ғоясига муносабат билдирди. Бу ҳақда euro-football.ru хабар беради.
Тошичнинг айтишича, бундай ўйинни Россияда ҳам, Белградда ҳам ташкил қилиш мумкин. Унинг фикрича, аввалги баҳс илиқ таассуротлар қолдирган ва имкони бўлса, бу тажрибани яна такрорлаш керак.
Шунингдек, у сербияликлар 2026 йил Шимолий Америкада бўлиб ўтадиган жаҳон чемпионати саралашида кутилган натижани бера олмаганини ҳам эслатиб ўтди.
Эслатиб ўтамиз, 2024 йилда терма жамоалар аллақачон майдонга тушган: март ойида Москва шаҳридаги “ВТБ Арена”да Россия Сербияни 4:0 ҳисобида йирик мағлуб этганди. Ўша учрашувда россияликлар деярли бутун ўйинни сон жиҳатдан устунликда ўтказган.
“Zamin”ни Telegram'да ўқинг!
