25 апрель куни Наманган вилоятининг Тўрақўрғон туманида йўл-транспорт ҳодисаси содир бўлиб, автомобил сойга тушиб кетди. Бу ҳақда Фавқулодда вазиятлар вазирлиги ахборот берди.
Маълум қилинишича, ҳодиса туманнинг “Оқтош” маҳалласида юз берган. Ҳаракатланиб кетаётган Lacetti русумли енгил автомобил ҳайдовчиси рул бошқарувини йўқотиб, транспорт воситаси йўлдан чиқиб кетган ва натижада сойга қулаб тушган.
Воқеа юзасидан “112” қисқа рақами орқали вилоят Фавқулодда вазиятлар бошқармасига зудлик билан хабар берилган. Қутқарув гуруҳлари тезкорлик билан ҳодиса жойига етиб бориб, атрофдаги кўнгилли фуқаролар билан ҳамкорликда амалий ҳаракатларни бошлаган.
Натижада, автомобил ичида қолиб кетган икки нафар фуқаро қутқарилиб, хавфсиз ҳудудга олиб чиқилган. Шундан сўнг улар тез тиббий ёрдам ходимларига топширилган.
Мутасаддилар ҳайдовчилардан йўл ҳаракати қоидаларига қатъий амал қилишни, айниқса, ноқулай об-ҳаво ёки мураккаб йўл шароитида эҳтиёткорликни оширишни тавсия қилмоқда.
“Zamin”ни Telegram'да ўқинг!
