Moskvaning CSKA klubida to'p surgan sobiq futbolchi Zoran Toshich Rossiya va Serbiya terma jamoalari o'rtasida yana bir o'rtoqlik uchrashuvi o'tkazish g'oyasiga munosabat bildirdi. Bu haqda euro-football.ru xabar beradi.
Toshichning aytishicha, bunday o'yinni Rossiyada ham, Belgradda ham tashkil qilish mumkin. Uning fikricha, avvalgi bahs iliq taassurotlar qoldirgan va imkon bo'lsa, bu tajribani yana takrorlash kerak.
Shuningdek, u serbiyaliklar 2026 yil Shimoliy Amerikada bo'lib o'tadigan jahon chempionati saralashida kutilgan natijani bera olmaganini ham eslatib o'tdi.
Eslatib o'tamiz, 2024 yilda terma jamoalar allaqachon maydonga tushgan: mart oyida Moskva shahridagi “VTB Arena”da Rossiya Serbiyani 4:0 hisobida yirik mag'lub etgandi. O'sha uchrashuvda rossiyaliklar deyarli butun o'yinni son jihatdan ustunlikda o'tkazgan.
“Zamin”ni Telegramʻda oʻqing!
