Аргентина гранд клуби «Ривер Плейт» бош мураббийи Марсело Гальярдо жамоани тарк этиш ниятида эканини маълум қилди. Клуб бу ҳақдаги баёнотни расмий сайтида эълон қилди. Бу ҳақда euro-football.ru хабар беради.
Мутахассис Аргентина чемпионати доирасида «Банфилд»га қарши учрашувдан сўнг лавозимини топширади. Ўйин 26 февраль куни бўлиб ўтади. Гальярдонинг ихтиёрий кетишига жамоанинг сўнгги натижалари сабаб бўлгани айтилмоқда: ҳозир «Ривер Плейт» турнир жадвалида 10-ўринда бормоқда.
Гальярдо мураббийлик фаолияти давомида «Ривер Плейт»ни икки марта бошқарган. 2014–2022 йиллар оралиғида у жамоа билан 14 та соврин қўлга киритиб, Аргентина чемпионлиги ҳамда Либертадорес кубогида икки бор ғалаба қозонган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
