Samsung Galaxy Tab S2 ҳақида илк тафсилотлар маълум бўлди

  • Технология
  • 26-02-2015, 13:29
  • 1 204
  • Samsung Galaxy Tab S2 ҳақида илк тафсилотлар маълум бўлди

    Яқинда Samsung Electronics компанияси Galaxy Tab S сериясидаги планшетларнинг иккинчи авлоди устида ишлаётгани маълум бўлди, дея хабар бермоқда Tom’s Hardware нашри.

    Янги моделлардан бири ҳақида аллақачон баъзи маълумотлар тарқалиб улгурди. Миш-мишларга кўра, у 9,7 дюймли ва 2048×1536 пикселли Super AMOLED дисплей билан жиҳозланади. Бундан ташқари, у тўрт ядроли ARM Cortex-А57 процессори, 3 Гб тезкор ва 32 Гб ички хотира, 8 мегапикселли асосий ва 2,1 мегапикселли олд камерага эга бўлади.

    Хабарларга кўра, планшет металл ромли ингичка корпусга жойланади. Ўлчамлари 237,1×168,8×5,4 мм, оғирлиги 407 граммга тенг бўлади. Қурилма Android 5.0.2 Lollipop операцион тизимида ишлайди.

    Манба: www.daryo.uz