Банк соҳасида рақамлар ва алгоритмлар кўп нарсани ҳал қилади, лекин улар ортида жараёнларни чуқур тушуниш бўлиши зарур. Шу мақсадда AVO банк ўзининг қарз ундириш тизимини формал эмас, балки ҳақиқий аудитдан ўтказишга қарор қилди.
Бу жараёнда уларга молия соҳаси рақамлаштиришга ихтисослашган HiveTech компанияси ёрдам берди. Мақсад жараёнларни оддий "текшириш" эмас, балки уларни жонли тизим сифатида кўриб чиқиш эди: қаерда тизим максимал ишлаётганини ва қаерда самарадорликни йўқотаётганини аниқлаш.
Янги Collection CRM тизимини ишга туширишдан аввал AVO жамоаси қарздор мижознинг йўлини қайта кўриб чиқишга қарор қилди — жараёнлар, мантиқ ва маълумотлар нуқтайи назаридан. "HiveTech билан ўтказилган аудит бизга ўсишнинг асосий нуқталарини кўриш ва яхшиланишлар учун аниқ йўл харитасини олишга ёрдам берди.
Бу оддий ҳисобот эмас, балки ундириш стратегиясини янги даражага олиб чиқиш учун ҳақиқий воситадир," — дейди AVO банкнинг хавф-хатарлар бўйича директори Рашид Лахлу. Жамоа тизимни "таъмирлаш" эмас, балки нима учун у айнан шундай ишлаётганини тушуниш ва ҳар бир технологиянинг банкнинг мослашувчан, технологик ва мижозга йўналтирилган бўлиш қобилиятини оширишга хизмат қилишини таъминлашни мақсад қилди.
HiveTech аудити қарз ундириш самарадорлигини шакллантирадиган барча жиҳатларни қамраб олди: IT-инфратузилма ва тизимлар ўзаро алоқаси, ҳисобот ва таҳлил, call-марказ фаолияти, ҳамда мулоқот сифати. Шунингдек, ходимларни ўқитиш жараёнлари ва назорат, мижозлар билан боғланиш маълумотларини янгилаш ва қидириш (skiptrace) жараёнлари ҳам ўрганилди.
Тадқиқот усуллари журналистик суриштирувларга ўхшарди: бизнес эгаларидан интервьюлар олиш, скриптларни таҳлил қилиш, "яширин кузатув" ва тест қўнғироқларни амалга ошириш. "Биз фақат муаммоларни қайд этиш билан чекаланиб қолмадик.
Бизнинг мақсадимиз — ривожланиш йўналишини шакллантириш, шунда банк эртага қандай қадамлардан натижа олишини ва қайси ишлар стратегик ёндашувни талаб қилишини тушунади," — дейди HiveTech компаниясининг ривожланиш бўйича директори Жавлон Раҳмон-Зода. Натижада ундириш тизимини ривожлантириш бўйича йўл харитаси ишлаб чиқилди — бу ҳужжатда тезкор яхшиланишлар (Quick Wins) узоқ муддатли стратегияга таъсир қилувчи асосий ўзгаришлар билан бирга мужассамлаштирилган.
Ушбу харита айни пайтда AVO банк ва HiveTech ҳамкорлигида ишлаб чиқилаётган янги Collection CRM тизими асосига айланади. Кейинги босқичда мураккаброқ йўналишлар — Hard ва Legal Collection соҳалари таҳлил қилинади, бу ерда қарз ундириш нафақат автоматлаштириш, балки ҳуқуқий аниқликни ҳам талаб қилади.
"Биз HiveTech билан ҳамкорликни давом эттириб, ундириш тизимини ҳар босқич ўлчаб бўладиган, шаффоф ва бошқариладиган даражага етказишни режалаштирмоқдамиз," — дейди Рашид Лахлу. AVO банк — Ўзбекистон рақамли банк сектори бозорининг энг динамик ўсиб бораётган иштирокчиларидан бири.
Банкнинг мақсади нафақат тўлиқ онлайн маҳсулотлар таклиф қилиш, балки замонавий молиявий хизматларни яратишдир, бунда технологиялар ва мижознинг қулайлиги бир бутунликни ташкил қилади. HiveTech — IT Park Uzbekistan резиденти, молия сектори бизнес жараёнларини автоматлаштиришга ихтисослашган IT-компания.
Уларнинг Hive Platform low-code конструктори бизнеснинг аниқ вазифаларига мос ҳар қандай IT-тизимни мураккаб кодларсиз ва тезкор равишда яратишга имкон беради.
Меҳмон гуруҳидаги фойдаланувчилар ушбу мақолага изоҳ қолдира олмайди.
