"Telegram" асосчиси Павел Дуров "WhatsApp" ва "Facebook"ни фойдаланувчиларга нисбатан муносабати учун танқид қилди. Бу ҳақда ишбилармон ўзининг "Telegram"даги каналида ёзиб қолдирган.
Дуровнинг фикрича, Брайан Эктон ва Ян Кум компанияни тарк этганидан сўнг "WhatsApp" фойдаланувчиларнинг талабларига жавоб бермай қўйган.
“WhatsApp" асосчиларининг кетиши – ўз компаниянгни сотиш қандай оқибатларга олиб келиши мумкинлигининг яққол намунаси. Сиз пулли бўласиз, бироқ ундан қадрлироқ нарса – яхлитлик ва миллионлаб одамлар ҳаётига бундан кейин ҳам яхшилик олиб кириш имконидан маҳрум бўласиз”, – деб ёзди Павел Дуров.
2018 йил октябрида "Facebook" компанияси "WhatsApp" мессенжерида реклама орқали пул ишлашга қарор қилгани маълум бўлганди. Кўп ўтмай хакерлар мессенжердаги хатоликдан фойдаланиб, фойдаланувчиларнинг видеоқўнғироқлар вақтидаги ёзишмаларини ўқиш имкониятини қўлга киритгани ҳақида хабар берилган эди.
“Ўтган ҳафта "WhatsApp"нинг хавфсизлик тизимида кўп йиллардан бери махфий бир туйнук мавжудлиги ошкор бўлди: ким билан видеоалоқа ўрнатсангиз, у сизнинг ёзишмаларингизни ўқиши мумкин бўлган. Ҳатто бундай туйнуклар энди бўлмаса ҳам (бунга ишониш қийин) "WhatsApp"да учинчи шахслар ёзишмаларни ўқишига имкон берадиган бошқа камчиликлар бор”, – деди Павел Дуров.
"WhatsApp" янги ишга тушган вақтда махфийлик ва рекламанинг бўлмаслиги унинг асосий тамойилларидан бири эди. Дуровнинг таъкидлашича, сервиснинг ҳозирги муаммолари учун фойдаланувчиларнинг манфаатларидан кўра ўз манфаатини биринчи ўринга қўяётган "Facebook" компанияси жавобгар.
“Facebook"ка ўхшаш компаниялар охир-оқибат ўз ваъдаларини бажармайди, чунки улар фойдаланувчиларнинг манфаатларидан кўра даромадни юқорироқ баҳолайди. "Telegram"нинг бошқа сервислардан фарқи ҳам шунда: биз учун ҳар доим энг муҳим бўлиб қоладиган жиҳат – сизнинг манфаатларингиз”, – дея қайд этди Павел Дуров.
Аввалроқ Павел Дуров 2018 йилдан "Telegram" орқали пул ишлашни мақсад қилганини билдирганди. Бироқ бу "Telegram"ни сотиш билан боғлиқ эмас. Дуровнинг сўзларига кўра, мессенжерни 3 миллиард доллардан 5 миллиард долларгача баҳолаган харидорлар бор, бироқ у "Telegram"ни сотмоқчи эмас. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзи чой дамлайди ва суҳбатлашади: дунёдаги биринчи “ақлли” чойнак тақдим этилди (видео)
Рашида Толиб Конгресс аъзоларига «аччиқ ҳақиқат»нинг суратини кўрсатди
Эрон АҚШдан 1 трлн доллар компенсация талаб қилди
Байден ва Жинпинг Перуда учрашди: «Агар бир-биримизни рақиб деб билсак, муносабатларни бузамиз»
Шимолий Корея Россияга узоққа зарба берувчи қуроллар юборди
Ким Чен Ин ҳарбийларни жанговар ҳолатда туришга чақирди
Хатолар ва мағлубиятлар... улар кечириладими?
Омега-3 қандай қилиб озишга ёрдам беради?
