“Android Authority” маълумотига кўра, Android тизимида ишловчи смартфонларга “Sturnus” деб номланган, экрандаги маълумотларни ўқийдиган хатарли вирус тарқалмоқда.
У нафақат экран мазмунини яширинча кўради, балки мессенжерлардаги (Telegram, Signal) шахсий хабарларга ҳам кириш имконига эга. Вирус шифрлашни четлаб ўтиши ва пароллар, банк иловалари маълумотларини йиғиши аниқланган.
Мутахассислар бу вирус ўзини Chrome ёки машҳур иловалар кўринишида яшираётганини айтмоқда. У асосан интернетдан юклаб олинадиган .apk файллар орқали тарқалмоқда. Зарарланиш ҳолатлари кўпроқ Марказий ва Жанубий Европада қайд этилган.
Google зарарли дастур Play Market орқали тарқалмаганини, Play Protect эса айрим версияларни тўсишга муваффақ бўлаётганини маълум қилди.
Шунингдек, Palo Alto Networks 2024 йил июлида Samsung Galaxy қурилмаларидаги ноль-кун заифлиги орқали амалга оширилган киберҳужумни ҳам фош этган эди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
