Қуёш нурида юриш фойдали, лекин ортиқча қуёш терига зарар етказиши мумкин. Шунинг учун мутахассислар қуёшдан ҳимоя қилувчи крем ишлатишни тавсия қилишади.
SPF деган белги кўпчиликка тушунарсиз туюлади. Аслида у кремнинг қуёш нурларини қай даражада тўсишини билдиради. Масалан, SPF'нинг 30-даражадаги крем нурларни 97 фоизгача тўсади. Бироқ кремни кун бўйи бир марта суриш етарли эмас, уни 2 соатда бир янгилаб туриш керак.
Қуёш нурлари икки хил бўлади: UVA ва UVB. UVA нурлари – терига чуқур кириб боради. Улар терининг қаришига, ажин тушишига ва тери ҳужайраларининг зарар кўришига олиб келади. Ҳаттоки булутли ҳавода ҳам таъсир қилади. UVB нурлари – кўпроқ тери устида ишлайди. У терининг қизиб куйишига сабаб бўлади ва саратон хавфини оширади. Шу сабабли қуёшдан ҳимоя қилувчи крем ишлатиш энг тўғри йўлдир.
Кўпчилик сояда ўтирса, ҳимояланганини ўйлайди. Лекин бу нотўғри. Чунки қуёш нури қум, сув ёки асфальтга урилиб, яна сизга қайтиши мумкин. Демак, сояда ҳам крем суртиш зарур.
Мутахассисларнинг фикрича, қуёшдан ҳимоя қилувчи крем D витамини ҳосил бўлишига тўсқинлик қилмайди. Аксинча, у терингизни ҳимоя қилади ва саломатлигингизни асрашга ёрдам беради.
«Замин»ни Telegram’да ўқинг!
