Олимлар ёнғоқнинг янги фойдали хусусиятини аниқладилар

1 дақиқа ўқиш52.2K
Олимлар ёнғоқнинг янги фойдали хусусиятини аниқладилар
Жанубий Австралия университети олимлари инсон саломатлигига оид янги ва қизиқарли кашфиётга эришишди. Тадқиқот натижаларига кўра, мунтазам равишда ёнғоқ истеъмол қилиш инсон организмида стресс даражасини пасайтиради, руҳий барқарорликка ижобий таъсир кўрсатади ҳамда уйқу сифатини яхшилайди. Бу ҳақда "Nutrients" журналида мақола чоп этилди.
Олимлар таъкидлашича, бу таъсир ёнғоқнинг ичак микробиотасига ижобий таъсир кўрсатиши билан боғлиқ. Маълумки, ичак микрофлораси руҳий ҳолат ва кайфият билан бевосита боғлиқ бўлиб, ундаги салбий ўзгаришлар инсоннинг стресс даражасига ҳам таъсир қилади.
Тадқиқот доирасида 80 нафар талаба икки гуруҳга бўлинган ҳолда кузатилди. Биринчи гуруҳга кирувчи кўнгиллилардан ҳар куни муайян миқдорда ёнғоқ истеъмол қилиш сўралган. Иккинчи гуруҳ эса одатий овқатланиш тартибини сақлаб қолишди.
16 ҳафталик кузатув натижалари шуни кўрсатдики, мунтазам равишда ёнғоқ истеъмол қилган талабаларда узоқ муддатда руҳий саломатлик кўрсаткичлари сезиларли даражада яхшиланди, уйқу тартиби барқарорлашди ва умумий кайфият ошди.
Шу билан бирга, иккинчи гуруҳдаги талабаларда, айниқса имтиҳонлар олдидан стресс ва руҳий тушкунлик даражаси кескин ортиб кетгани аниқланган. Бу эса ёнғоқнинг организм учун қанчалик муҳим эканини яна бир бор кўрсатди.
Мутахассисларнинг таъкидлашича, ёнғоқнинг фойдали хусусиятлари унинг бой таркиби билан боғлиқ. У мия саломатлиги учун зарур бўлган омега-3 ёғ кислоталари, антиоксидантлар, мелатонин, полифеноллар, фолий кислотаси ва Е витамини манбаи ҳисобланади.
Олимлар бу кашфиёт келгусида соғлом овқатланиш режаларини шакллантиришда муҳим аҳамият касб этишини, айниқса ёшлар ва талабалар учун стрессга қарши самарали табиий восита сифатида қўлланилиши мумкинлигини таъкидлашмоқда.
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?