Vazirlar Mahkamasining 2019 yil 9 apreldagi qarori bilan, Yo‘l harakati qoidalarining 138-bandiga o‘zgartirish kiritilib, kunning yorug‘ vaqtida barcha avtomototransport vositalarining yaqinni yorituvchi chiroqlarini yoki kunduzgi signal chiroqlarini yoqib harakatlanishi kerakligi belgilangan edi.
O‘sha vaqtda jamoatchilikda paydo bo‘lgan keskin noroziliklar hisobga olinib, majburiy qoidaning amal qilishi 2021 yil 1 yanvarga qadar to‘xtatib turilgan edi.
Ya’ni ushbu talab avtomatik yonib turuvchi kunduzgi signal chiroqlari bilan jihozlanmagan avtomototransport vositalariga nisbatan tatbiq etilmasligi belgilangandi.
Bundan tashqari, mazkur qaror bilan:
- 2020 yil 1 yanvardan mamlakatda ishlab chiqariladigan barcha avtomototransport vositalari ichki bozorga ishlab chiqaruvchi tomonidan avtomatik yonib turuvchi kunduzgi signal chiroqlari bilan jihozlangan holda chiqarilishi;
- Respublikaga chet eldan import qilinadigan avtomototransport vositalarining avtomatik yonadigan chiroqlari bo‘lmasa, mamlakat ichkarisiga olib kirilishiga ruxsat berilmasligi kabi choralar belgilangan.
2021 yilning 1 yanvaridan boshlab, sutkaning har qanday vaqtida yaqinni yorituvchi chiroqlar yoki kunduzgi signal chiroqlarini yoqib harakatlanmagan haydovchilar jarimaga tortiladi.
MJtKning 128-moddasiga ko‘ra, ushbu huquqbuzarlik birinchi marta sodir etilganda 111 500 so‘m, bir yil ichida takror sodir etilsa 223 ming so‘m, bir yil ichida 3-marta sodir etilsa 669 ming so‘m jarima solinadi. 1 yil ichida 3 martadan ko‘p sodir etilganda haydovchi 892 ming so‘m jarima yoki transport vositasini boshqarish huquqidan 6 oyga mahrum etish bilan jazolanadi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
