Xotinining qo’lini chopib tashlagan rossiyalik erkak ishiga doir yangi ma’lumot paydo bo’ldi

Xabarda aytilishicha, jabrlanuvchi Margarita Grachyova ushbu dahshatli voqea sodir bo’lishidan bir oycha avval turmush o’rtog’i bilan ajrashish uchun ariza yozgan. Ayol eri bilan ajrashishga avvalroq qaror qilgandi.

Garchi juftlik oilaviy hayotning ilk yillarida havas qilguday yashagan bo’lsalar ham, oradan vaqt o’tgach, erkakning haddan ortiq rashkchiligi tufayli turmushlari jaxannamga aylangan.

Aniqlanishicha, erkak rafiqasini qattiq rashk qilib urgan, tahdid qilgan va hatto bo’yniga pichoq tirashgacha borgan.

O’tgan oy boshlarida Margarita turmush o’rtog’ining tahdidlari va o’ziga nisbatan jismoniy kuch ishlatayotganligi haqida aytib ajrashish uchun ariza bergan. Biroq qonun himoyachilari bu ishni oy oxiriga kelib ko’rib chiqishgan va erkak bilan profilaktika suhbati o’tkazilgan.

Eslatib o’tamiz, rossiyalik Dmitriy Grachyov ayolini qattiq rashk qilgani sabab uni hiyonatda ayblab, bolta yordamida bir qo’lini uzib olgan, ikkinchisini chopib, parchalagan edi. Shifokorlar Margatiraning bir qo’lini saqlab qolishga erishganlar.
“Zamin” yangiliklarini “Youtube”da kuzatib boring