Foto: Win McNamee/Getty Images/AFP
Amerikalik milliarder Bill Geyts go‘yoki u koronavirusdan vaksina kiritish yordamida odamlarni chiplamoqchi bo‘layotgani haqidagi mish-mishlarga izoh berdi. Milliarder BBC telekanaliga bergan intervyusida bu mish-mishlarni rad etgan.
Koronavirus pandemiyasi boshlangandan keyin Geyts bir qator fitnalar nazariyasi “qahramoni”ga aylandi. Ba’zilarning ta’kidlashicha, koronavirus aynan u sababli paydo bo‘lgan va virusdan vaksinalashdan maqsad odamlarni chiplashdan iborat. Keyinchalik bunday odamlar qandaydir kuchlar manfaati uchun qo‘llanadi. Boshqa farazlarga ko‘ra, milliarder koronavirusdan vaksina ortidan mo‘maygina pul ishlamoqchi.
“Meni bunday telbanoma taxminlar mavjudligi biroz tashvishlantiradi. Va bu farazlarning bir qismi men haqimda ekanligi yanada ajablantiradi. Biz vositani yaratishga pullar xayriya qilamiz, farmakologik kompaniyalarga cheklar yozib beramiz”, deb aytgan Geyts intervyuda.
“Men hech qachon mikrochiplar bilan shug‘ullanmaganman. Buni [ommaviy chiplash] rad etish imkonsizdir, chunki bu faraz ahmoqona va g‘alatidir”, deb qo‘shimcha qilgan milliarder.
Geytsning aytishicha, uning vaksinalar yaratish ustida ishlashining yagona sababi jamoaviy immunitetning shakllantirilishiga erishish zarurligi hisoblanadi. Bunda aholining taxminan 80 foizi koronavirusga chalinmaydi.
“Agar odamlar buni firibgarlik yoki vaksina zararli deb o‘ylasalar va vaksinalanishni istamasalar, unda kasallik odamlarni o‘ldirishda davom etaveradi”, deb ta’kidlab o‘tgan milliarder.
Geyts davlatlar hukumatlarini koronavirusdan samarali va xavfsiz vaksina ishlab chiqilgandan keyin uni birinchi navbatda sog‘liqni saqlash tizimi bo‘sh rivojlangan davlatlar orasida tarqatishga chaqirgan.
YouGov va YahooNews’ning bahor oxirida o‘tkazgan so‘rovnomasiga ko‘ra, Geytsning koronavirus paydo bo‘lishiga aloqadorligi haqidagi fitna nazariyasiga 28 foiz amerikaliklar ishonadi. Geytsning ta’kidlashicha, uni bunday so‘rovnomalar natijalari uncha tashvishlantirmaydi.
Bu orada milliarderning jamg‘armasi 4 iyunda koronavirusdan vaksina hamma yerda, jumladan zaif rivojlangan davlatlarda ham bo‘lishi uchun Vaksinalar va immunizatsiya bo‘yicha global alyansga 100 mln dollar ajratdi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi