Фото: Win McNamee/Getty Images/AFP
Америкалик миллиардер Билл Гейтс гўёки у коронавирусдан вакцина киритиш ёрдамида одамларни чипламоқчи бўлаётгани ҳақидаги миш-мишларга изоҳ берди. Миллиардер BBC телеканалига берган интервьюсида бу миш-мишларни рад этган.
Коронавирус пандемияси бошлангандан кейин Гейтс бир қатор фитналар назарияси “қаҳрамони”га айланди. Баъзиларнинг таъкидлашича, коронавирус айнан у сабабли пайдо бўлган ва вирусдан вакциналашдан мақсад одамларни чиплашдан иборат. Кейинчалик бундай одамлар қандайдир кучлар манфаати учун қўлланади. Бошқа фаразларга кўра, миллиардер коронавирусдан вакцина ортидан мўмайгина пул ишламоқчи.
“Мени бундай телбанома тахминлар мавжудлиги бироз ташвишлантиради. Ва бу фаразларнинг бир қисми мен ҳақимда эканлиги янада ажаблантиради. Биз воситани яратишга пуллар хайрия қиламиз, фармакологик компанияларга чеклар ёзиб берамиз”, деб айтган Гейтс интервьюда.
“Мен ҳеч қачон микрочиплар билан шуғулланмаганман. Буни [оммавий чиплаш] рад этиш имконсиздир, чунки бу фараз аҳмоқона ва ғалатидир”, деб қўшимча қилган миллиардер.
Гейтснинг айтишича, унинг вакциналар яратиш устида ишлашининг ягона сабаби жамоавий иммунитетнинг шакллантирилишига эришиш зарурлиги ҳисобланади. Бунда аҳолининг тахминан 80 фоизи коронавирусга чалинмайди.
“Агар одамлар буни фирибгарлик ёки вакцина зарарли деб ўйласалар ва вакциналанишни истамасалар, унда касаллик одамларни ўлдиришда давом этаверади”, деб таъкидлаб ўтган миллиардер.
Гейтс давлатлар ҳукуматларини коронавирусдан самарали ва хавфсиз вакцина ишлаб чиқилгандан кейин уни биринчи навбатда соғлиқни сақлаш тизими бўш ривожланган давлатлар орасида тарқатишга чақирган.
YouGov ва YahooNews’нинг баҳор охирида ўтказган сўровномасига кўра, Гейтснинг коронавирус пайдо бўлишига алоқадорлиги ҳақидаги фитна назариясига 28 фоиз америкаликлар ишонади. Гейтснинг таъкидлашича, уни бундай сўровномалар натижалари унча ташвишлантирмайди.
Бу орада миллиардернинг жамғармаси 4 июнда коронавирусдан вакцина ҳамма ерда, жумладан заиф ривожланган давлатларда ҳам бўлиши учун Вакциналар ва иммунизация бўйича глобал альянсга 100 млн доллар ажратди. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Освенцимда минглаб яҳудийлар «Тириклар марши» акциясини ўтказди
Россияда америкалик аскар ўғриликда айбланиб қўлга олинди
ОАВ: Марказий Осиё давлатлари дронлар билан қуролланмоқда
Ғазо аҳолиси ҲАМАСнинг тинчликка эришиш йўлидаги қарорини нишонлаш учун кўчаларга чиқди
Йоав Галант тез орада Рафаҳга ҳужум бўлишига ишора қилди
АҚШ элчиси: “Ўзбекистон президенти ақл бовар қилмайдиган ишларни амалга оширди”
Машҳур агент ПСЖга тўртта юлдузни тавсия қилмоқда
Шоҳжаҳон Жўраев 2 йил олдин отаси Шерали Жўраевни судга бергани маълум бўлди
