London qirollik kolleji tadqiqotchilari koronavirus infeksiyasi chaqiradigan oltita kasallik formasini aniqladi. Ular bir-biridan simptomlari hamda kasallik kechishining og‘irlik darajasiga qarab farqlanadi, deb yozadi Sky News.
Qayd etilishicha, olimlar o‘z tadqiqotlarida AQSH va Britaniyadagi 1600 nafar bemorda kuzatilgan simptomlar haqidagi ma’lumotlarga tayangan. Ma’lumotlarni ular koronavirus simptomlarini o‘rganish uchun yaratilgan COVID Symptom Study mobil dasturi yordamida to‘plagan.
Shunday qilib, birinchi va ikkinchi kasallik formasiga gripp simptomlariga o‘xshash belgilar xos. Bunda bemorda tana harorati ko‘tarilishi ham, ko‘tarilmasligi ham mumkin.
Uchinchi formada esa bemorda COVID-19 yo‘talsiz kechadi, biroq uni ich ketishi, ishtahasizlik, tana haroratining ko‘tarilishi qiynaydi. Ushbu forma shartli tarzda yengil deya tavsiflanadi. Bunda bemorlarning faqat 1,5—4,4 foizigagina respirator yordam talab qilingan.
To‘rtinchi formada esa kasallikning asosiy simptomlariga charchoq ham qo‘shilgan, bemorlarning 8, 6 foiziga respirator yordam talab qilingan.
Beshinchi formada esa mushaklarda og‘riq, fikrlar tarqoqligi paydo bo‘ladi. 9,9 foiz holatda respirator yordam talab qilinadi.
Oltinchi — kasallikning eng og‘ir formasi. Ushbu holatda 50 foiz bemorlar kasalxonaga joylashtirilgan. Bemorlar ishtahasizlik, ich ketishi, qorin sohasidagi og‘riq, nafas olishning qiyinlashishi, ko‘krak va mushaklarda og‘riq, fikrlar tarqoqligi, charchoqdan aziyat chekadi. Bunda 19,8 foizda respirator yordam talab qilinadi.
«Kasallikning oltinchi formasi aksariyat hollarda keksa, shuningdek, ortiqcha vazni hamda yo‘ldosh kasalliklari mavjud insonlarda kuzatilmoqda», — deyiladi xabarda.
Olimlarning ta’kidlashicha, kasallik boshlanganidan so‘ng birinchi besh kun ichida bemorning qaysi toifaga kirishi aniqlansa, og‘ir asoratlarning oldini olish mumkin bo‘ladi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi