Tushkunlik va xavotirni engishda yordam beradigan 6 ta mahsulotni bilasizmi?

Oziq-ovqat va ruhiy holat oʻrtasidagi bogʻliqlik boʻyicha oʻtkazilgan tadqiqotlar koʻp boʻlishiga qaramay, bunday izlanishlar stressning oʻchogʻini va uni bartaraf qilish usullarini yoritmaydi. Masalan, “Stressni engish uchun shokolad yoki baliq iste'mol qiling” degan maslahat amalda yordam bermaydi, chunki oziq-ovqatlarning stressga ta'siri klinik jihatdan juda kichikdir.

Agar biror shaxs kuchli tushkunlikni boshidan kechirayotgan boʻlsa va bu holat uning hayotini sezilarli darajada salbiy tomonga oʻzgartirgan boʻlsa, bemor turmush tarzini qayta koʻrib chiqishi va psixolog yoki psixiatrga murojaat qilishi lozim, zero depressiya oziq-ovqatlar bilan davolanmaydi.

Shokolad

^{Foto: Adobe Stock}
Shokolad shirinligi kortizol, ya'ni stress gormoni darajasini pasaytiradi. 60 nafar kishi ishtirokida tadqiqot olib borgan olimlar shunday xulosaga kelishgan. Ishtirokchilar ikki hafta davomida kuniga 40 gramm qora va sutli shokolad iste'mol qilgan. Natijada, shirinliklarni iste'mol qilganlarning stress darajasi pasaygan.

Aslida achchiq va qora shokoladlar eng foydalisidir, ammo tadqiqotlar sut mahsulotlari ham tashvishlarni kamaytirishini aniqladi. Demak, kayfiyatingiz tushganda oʻzingizni qora shokolad eyishga majburlamay, sevimli sutli shokolad bilan tamaddi qilishingiz mumkin. Asosiysi, bu mahsulot yuqori kaloriyali ekanligini unutmang.

Losos baligʻi

^{Foto: Adobe Stock}
Losos tarkibida koʻplab ozuqaviy moddalar, jumladan D vitamini, EPA va DHA omega-3 yogʻ kislotalari mavjud. Ular organizmga tinchlantiruvchi ta'sir koʻrsatadigan dofamin va serotonin gormonlarini ishlab chiqarishga yordam beradi. D vitaminini iste'mol qilish neyrokognitiv disfunktsiya xavfini — xotira, diqqat va nutq bilan bogʻliq muammolarni kamaytiradi.

Bergen universiteti tadqiqotchilari ma'lumotiga koʻra, besh oy davomida haftasiga uch marta Atlantika lososini iste'mol qilgan odamlar tovuq, mol goʻshti eganlarga qilganlarga qaraganda kamroq stressni boshdan kechirgan. Bundan tashqari, ularning yurak urish tezligi yaxshilangan.

Avokado

Avokado stressni kamaytirishi haqida tadqiqot yoʻq, ammo ushbu meva magniy manbai hisoblanadi. Olimlar magniy moddasining etishmasligi stressga moyillik oshishiga sabab boʻlishini ta'kidlaydi..

Yongʻoq

^{Foto: Adobe Stock}
Amerikada oʻtkazilgan kichik tadqiqot natijalariga koʻra, 16 hafta davomida har kuni taxminan 50 gramm yongʻoq iste'mol qilgan talabalar oʻzida quyidagi oʻzgarishlarni sezgan:

- Ishtirokchilarning ruhiy salomatlik holati yaxshilandi;
- Oʻqish tufayli yuzaga kelgan stressning salbiy oqibatlari kamaydi va ichakdagi foydali bakteriyalarining xilma-xilligi oshdi;
- Uyqu sifati yaxshilandi.

Yogurt

^{Foto: Adobe Stock}
Probiotikli yogurtlar ruhiy salomatlikni yaxshilashi mumkin. Kichik bir tajriba shuni koʻrsatdiki, ayollarda bu mahsulot hissiyotlarni boshqaradigan miya qismiga ijobiy ta'sir koʻrsatadi. Yogurt uyqu sifati va yurak urish tezligining yaxshilanishiga hamda stress indeksining kamayishiga yordam beradi.

Ammo probiotiklarning aksariyati oshqozonda nobud boʻladi, shuning uchun yogurtning oʻzi stressga qarshi davo boʻla olmaydi. Agar sizda depressiya belgilari boʻlsa, psixoterapevtga murojaat qilish kerak.

Lavlagi

Ushbu sabzavot tarkibida magniy koʻp boʻlib, stressni kamaytiradi. Ammo insonning ruhiy holatiga juda koʻp omillar ta'sir qiladi, shu sababli faqat lavlagi tarkibidagi magniy tushkunlikda yordam bermaydi. Bu haqiqatni tushunish juda muhimdir. “Zamin” yangiliklarini “Telegram”da kuzatib boring