Iqtisodiy tadqiqotlar va islohotlar markazi (ITIM) 2025 yil uchun O‘zbekiston yalpi ichki mahsuloti (YAIM) o‘sish prognozini 7,5% ga oshirdi. Bu iyun oyidagi baholashdan 0,8 foiz punktga yuqoridir.
O‘tgan to‘qqiz oy davomida O‘zbekiston iqtisodiyoti 7,6% ga o‘sdi. Bu sanoat, xizmatlar, qishloq xo‘jaligi, qurilish va tashqi savdo sohalarining barqaror rivojlanayotganini tasdiqlaydi, deb ta’kidlashdi ITIM mutaxassislari.
Eksport hajmi deyarli uchdan bir qismga oshdi. Umumiy investitsiyalar hajmi qariyb 15% ga, pul o‘tkazmalari miqdori esa 25% ga ko‘paydi.
Xalqaro prognozlar ham iqtisodiyotning tezlashganini tasdiqlamoqda: Xalqaro Valyuta Jamg‘armasi (XVJ) o‘sishni 7,3%, Jahon banki 6,2%, Osiyo taraqqiyot banki (OTB) esa 6,6% darajada baholamoqda. ITIM qayd etishicha, yangilangan prognoz tarkibiy va xulq-atvor omillarini hisobga olgan holda, real vaqt tahlil tizimiga asoslangan.
Mehmon guruhidagi foydalanuvchilar ushbu nashrga izoh qoldira olmaydi.
