O‘zbekistonda 2025 yilda o‘rtacha oylik ish haqi rasmiy ma’lumotlarga ko‘ra 6,4 mln so‘mni tashkil etdi. Maoshlar kesimida eng yuqori ko‘rsatkichni bank sohasi saqlab qoldi — yil yakuniga kelib bankirlarning o‘rtacha daromadi 17,6 mln so‘mga ko‘tarilgan.
Ikkinchi o‘rinda axborot va aloqa sohasi xodimlari qayd etildi: ularning o‘rtacha ish haqi 15,3 mln so‘m bo‘lgan. Kuchli uchlikni tashish va saqlash (logistika) yo‘nalishi yopib berdi — bu sohada o‘rtacha maosh 9,7 mln so‘m atrofida shakllangan.
O‘qituvchi va shifokorlar o‘rtacha ish haqi bo‘yicha hanuz eng past qatorda qolmoqda: mos ravishda 4,4 mln so‘m va 3,9 mln so‘m. Hududlar kesimida eng yuqori o‘rtacha ko‘rsatkich Toshkent shahrida — 10,8 mln so‘m, eng past natija esa Qashqadaryoda — 4,5 mln so‘m ekani bildirildi.
“Zamin”ni Telegramʻda oʻqing!
