O‘zbekiston Prezidenti Shavkat Mirziyoyev import mahsulotlariga bojxona to‘lovlarini kamaytirish to‘g‘risidagi qarorni tasdiqladi. Unga ko‘ra, qahva uchun bojxona to‘lovi 10 foizdan 0 foizgacha tushiriladi.
Yangi stavkalar quyidagi mahsulotlar uchun ham joriy etilgan: maishiy shamlar — 10 foiz, plastik va yog‘ochdan yasalgan idishlar — 10 foiz, gilam va pol qoplamalari — 10 foiz, adyol va pladlar — 5 foiz, uy uchun mo‘ljallangan matolar — 5–10 foiz. Bundan tashqari, farfor va keramika idishlari uchun 10 foiz, shisha buyumlar va dekorativ predmetlar uchun 10 foiz, metall oshxona anjomlari va ovqatlanish idish-tovoqlari uchun 10 foizlik bojxona to‘lovlari saqlanib qoladi.
Bu mahsulotlar uchun avvalgi bojxona to‘lovlari 15–20 foizni tashkil etgan edi. Mazkur o‘zgarishlarning asosiy maqsadi xalqaro hamkorlikni rivojlantirish, O‘zbekistonning qo‘shimcha qiymat zanjirlariga integratsiyasini kuchaytirish va yirik xalqaro chakana savdo tarmoqlarini jalb qilishdir.
Hujjatda qayd etilishicha, yangi tariflar faqat brend egalari yoki ularning rasmiy distribyutorlari, dilerlari va litsenziatlari orqali to‘g‘ridan-to‘g‘ri import qilinganda qo‘llaniladi.
Mehmon guruhidagi foydalanuvchilar ushbu nashrga izoh qoldira olmaydi.
