7 098
«Kamolon» mahallasida erini o‘ldirgan kelin va uning jazmaniga sud hukmi o‘qildi (video)
Skrinshot: «Markaziy studiya»
2019 yilning oktabr oyida ijtimoiy tarmoqlarda Toshkentning «Kamolon» mahallasida 26 yoshli yigit 24 yoshli rafiqasi tomonidan bo‘g‘ib o‘ldirilgani haqida xabarlar tarqalgandi. Tasdiqlanmagan ma’lumotlarga ko‘ra, bunga yigit rafiqasini so‘kib haqorat qilgani va u bilan ajrashmoqchi ekanini aytgani, ayol buning uchun o‘ch olmoqchi bo‘lgani sabab ekani ma’lum qilingandi.
Holat yuzasidan 5 oktabr kuni Toshkent shahar prokuraturasining O‘ta og‘ir jinoyatlarni tergov qilish bo‘limi tomonidan Jinoyat kodeksining 97-moddasi 1-qismi (qasddan odam o‘ldirish) bilan jinoyat ishi qo‘zg‘atilgan.
Tezkor-tergov harakatlarida, Kamolaxon A. turmush o‘rtog‘i Abbos A. bilan o‘rtalarida kelib chiqqan o‘zaro nizo sababli uni qasddan o‘ldirish haqida qarindoshi Otabek H. bilan jinoiy til biriktirgani ma’lum bo‘lgan. Jinoiy rejalarini amalga oshirishda Otabek H. 4 oktabr kuni soat taxminan 19:00 da Abbos A.ning uyiga kelib, xonadon mehmonxonasidagi stol ostiga berkinib, Kamolaxon A. bilan birga Abbos A.ni o‘ldirish uchun qulay fursat kutgan.
Otabek H. 5 oktabrga o‘tar kechasi soat taxminan 3:00 da Abbos A.ni uxlagan deb o‘ylab, yotoqxonaga kirgan, biroq Abbos A. uyg‘oq bo‘lgani sababli uning ustiga chiqib, yuz qismiga chap qo‘li mushti bilan bir necha zarba bergan, so‘ngra oldindan tayyorlab qo‘yilgan dazmol elektr simi bilan bo‘yin sohasidan bo‘g‘a boshlagan. Natijada Abbos A. o‘ziga bo‘layotgan tajovuzdan himoyalanib, yaqin qarindoshlarini yordamga chaqira boshlagan vaqtda Kamolaxon A. o‘z turmush o‘rtog‘ining yuziga yostiq bilan bosib, uning nafas yo‘llarini berkitib, Abbos A.ni qasddan o‘ldirgan.
5 oktabrda yuz bergan qotillik bo‘yicha tergov harakatlaridan keyingi jinoiy sud jarayoni ham yakuniga yetdi. Jinoyat ishlari bo‘yicha Toshkent shahar sudida o‘tgan sud majlisida marhumning oila a’zolari ham ishtirok etgan. Sudda Otabek H.ga 20 yil muddatga ozodlikdan mahrum qilish jazosi tayinlandi, turmush o‘rtog‘ini o‘ldirishda ishtirok etgan Kamolaxon A.ga esa 13 yil 4 oy muddatga ozodlikdan mahrum qilish jazosi tayinlangan.
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Rossiya dunyodagi birinchi vodorod yoqilg‘ili avtomobilni taqdim etdi
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Qaysi kundalik odatlar immunitet pasayishiga olib kelishini bilasizmi?
Zoir Mirzayev “Telefonsiz maktab”ga 300 mln so‘m mukofot berdi