O‘zbekiston hukumati maxsus komissiyasi qarori bilan oliy ta’lim muassasalarida an’anaviy o‘qish amaliyoti to‘xtatilgan, shuningdek, ayrim professor-o‘qituvchilar mehnat ta’tiliga chiqarilgan. Karantin yakuni bilan, qoldirilgan o‘qish yuklamasi mos ravishda yozgi ta’til bilan almashishi mumkin, deb xabar bermoqda Kun.uz nashri.
«Karantin sabab yozdagi ta’til muddati qisqarishi tabiiy, uning muddati karantin sababli berilgan ta’tilning qancha vaqt davom etishiga bog‘liq. Hozir navbatdan tashqari ta’til necha kunga cho‘zilishidan qat’i nazar, biz talabalarga masofaviy va mustaqil ta’lim olish orqali o‘quv dasturlarini o‘zlashtirishlariga imkoniyat yaratib beryapmiz», – deya ma’lumot bergan oliy va o‘rta maxsus ta’lim vaziri o‘rinbosari Ulug‘bek Begimqulov.
Vazir o‘rinbosarining ta’kidicha, 23 martdan boshlab, hududlardagi OTM professor-o‘qituvchi va xodimlarining aksariyat qismi belgilangan tartibda mehnat ta’tiliga chiqariladi, qolgan xodimlarning faoliyati maksimal darajada masofadan turib tashkil etiladi.
Kun.uz muxbiri bilan suhbatlashgan OTM o‘qituvchisining aytishicha, xodimlar yozgi mehnat ta’tili hisobidan rejadan tashqari ta’tilga chiqarilmoqda. Tabiiyki, yozgi ta’til davrida xodimlar haqsiz dam olishga chiqarilishi mumkin. Ushbu masalaga vazirlik oydinlik kiritdi.
«Avvalo, karantin holati qancha davom etishini aytish qiyin. Shunga qaramay, OTMda qoldirilgan yuklamani rejaga ko‘ra qoplash uchun yoz oyida o‘qish tashkil etilishi mumkin. Tabiiyki, o‘qituvchilar ishga jalb etiladi. Mantiqan, hozirgi ta’til muddatdan oldin o‘talmoqda, o‘qish esa keyinga surilmoqda», – deyiladi rasmiy xabarda.
Anglashiladiki, professor-o‘qituvchilar karantin tufayli ish haqini saqlab qolgan holda ta’tilga chiqarilishi bilan birga, yoz davrida haq to‘lanadigan o‘z ish faoliyatiga jalb etilishi mumkin. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Rossiya dunyodagi birinchi vodorod yoqilg‘ili avtomobilni taqdim etdi
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Qaysi kundalik odatlar immunitet pasayishiga olib kelishini bilasizmi?
Zoir Mirzayev “Telefonsiz maktab”ga 300 mln so‘m mukofot berdi