09:57 / 07.03.2021
628

Bo‘stonliqda o‘zganing 15 sotix yerini 33 ming dollarga sotishga uringan shaxslar qo‘lga olindi

Bo‘stonliqda o‘zganing 15 sotix yerini 33 ming dollarga sotishga uringan shaxslar qo‘lga olindi
Foto: Bosh prokuratura huzuridagi departament
Toshkent viloyati Bo‘stonliq tumanida boshqa fuqaroning 15 sotix yerini firibgarlik yo‘li bilan sotmoqchi bo‘lgan shaxslar ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.

Ma’lum qilinishicha, departamentning Bo‘stonliq tuman bo‘limi tomonidan firibgarlik holatining oldini olish bo‘yicha tezkor tadbir o‘tkazilgan. Tadbir davomida A.X. ismli shaxs va sheriklari fuqaro U.ning ishonchiga kirib, boshqa bir fuqaroga tegishli bo‘lgan Sijjak qishlog‘idagi 15 sotix bo‘sh yerni uning nomiga Bo‘stonliq tumani kadastr bo‘limida ishlovchi tanishlari orqali rasmiylashtirib berish evaziga 33 ming dollarni firibgarlik yo‘li bilan olgan vaqtida ashyoviy dalillar bilan ushlangan.

Mazkur holat yuzasidan A.X. va sheriklariga nisbatan Jinoyat kodeksining 168-moddasi (firibgarlik) va 28-, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Jamiyat » Bo‘stonliqda o‘zganing 15 sotix yerini 33 ming dollarga sotishga uringan shaxslar qo‘lga olindi