Dominikan Respublikasida suratga olingan “Yulduzlar o‘rmondagi sarguzashtlar. Karib mavsumi” realiti-shousida g‘olib Renat Muhambayev bo‘ldi. Bu haqda kursiv.uz xabar beradi.
Hal qiluvchi bosqichga besh ishtirokchi — Anna Tsukanova-Kott, Yekaterina Shkuro, Andrey Minin, Irina Pinchuk va Renat Muhambayev yetib keldi. Superfinal yo‘li oson kechmadi: ishtirokchilar murakkab to‘siqlar yo‘lagidan to‘plarni olib o‘tib, keyin yog‘och tayoqlar yordamida ularni maxsus idishlarga aniq tushirishi kerak edi.
Sinov jarayonida birinchi bo‘lib Anna Tsukanova-Kott masofani yakunlay olmadi, undan keyin loyiha Yekaterina Shkurosiz davom etdi. Tomoshabinlar va loyiha ishtirokchilari uchun alohida intriga — avvalroq chiqib ketgan yulduzlarning so‘nggi ovoz berishi bo‘ldi. Unda eng ko‘p qo‘llab-quvvatlov Andrey Mininga berildi: agar u g‘olib chiqqanida, mukofot jamg‘armasi yana 1 mln rublga oshishi mumkin edi.
Biroq hammasini final sinovi hal qildi: superfinalchilar labirintlar, gaykalar va tugunlardan iborat ko‘p bosqichli konstruksiyalarni bosib o‘tib, birinchi qavatdan uchinchi qavatga ko‘tarilishi lozim edi. Eng yaxshi natijani Renat Muhambayev qayd etdi — u 2015 yilgi KVN Oliy ligasi chempioni, “Kamyzyak o‘lkasi terma jamoasi” tarkibida g‘olib bo‘lgan.
G‘olib nomini Mixail Galustyan e’lon qildi. Olga Buzova esa komik loyiha bosh sovrini — 7 mln rublni qo‘lga kiritganini ma’lum qildi.
Muhambayev g‘alabadan so‘ng ko‘z yoshlarini tiya olmadi va bu yutuq uning uchun shunchaki o‘yin emasligini aytdi. Uning so‘zlariga ko‘ra, oilasi og‘ir davrni boshdan kechirmoqda: otasi so‘nggi yarim yil ichida o‘ninchi bor operatsiya qilingan, turmush o‘rtog‘ining ota-onasi esa o‘n yildan ortiq vaqt qurilgan uyini yong‘inda yo‘qotgan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
